Лондоннинг "Тоттенҳэм" клуби ҳимоячиси Гарет Бэйл "Арсенал" жамоасига қарши бўлиб ўтадиган ўйиндан олдин клуб расмий сайтига интервью берди.
"Арсенал" бир неча йиллар давомида биздан кучли бўлиб келди. Улар доим биз билан бўлган ўйинларда фаворит саналарди. Аммо, бугун вазият ўзгарди. Биз бу мавсумда бир нечта ажойиб ўйинларни ўтказдик. Биз бу йўлда жуда катта меҳнат қилдик. Шу сабабли бугун турнир жадвалида эгаллаб турган ўрнимизга ҳаққоний равишда эришдик, деб айта оламан.
Бугунги ўйин биз учун ҳам, "Арсенал" учун ҳам жуда катта аҳамият касб этади. "Лондон дербиси"да ғалаба қозонишни барчамиз бирдек истаймиз, дейди уэльслик футболчи.
