Sport нашри хабарига кўра, 2019 йилда «Барселона» француз ҳужумчиси Антуан Гризманни кредитга сотиб олган. Манбанинг таъкидлашича, клуб битимни молиялаштириш учун инвестиция фондидан 85 миллион ва банкдан 35 миллион қарз сўраган.
Қайд этилишича, айнан шу трансфер якунда Каталония клуби иқтисодини барбод қилган.
Шунингдек, «Барселона» бош директори Ферран Ревертер келишувнинг баъзи тафсилотларини айтиб берди.
«Гризманн билан шартнома имзоланишга қарор қилинган кечада, улар трансфер учун пул йўқлигини тушунишди. Шошилиб, улар 85 миллион берадиган фондни қидиришди», - дейди Ревертер.
