Лионель Месси кўп йиллар давомида «Барселона»да ўйнаганидан ўтган ёзда эса «ПСЖ»га кўчиб ўтди. Янги клубдаги дастлабки давр аргентиналик учун қийин бўлиб чиқди. У бешта ўйинда атиги битта гол урди. «Stadion.uz» нашри Месси нима учун дарҳол Париж клубида ўйнаб кета олмаганлигига бироз ойдинлик киритишга ҳаракат қилади.

Янги клуб, янги лига

Лионель Месси бутун фаолиятини «Барселона»да ўтказди. Очиғини айтганда, аргентиналикни бошқа клубда ва бошқа чемпионат шарафини ҳимоя қилиш қийин эди, лекин Каталония грандининг молиявий ҳолати юлдуз ҳужумчининг бошқа мамлакатга кўчиб ўтишини ҳақиқатга айлантирди. Қарийб йигирма йилдан буён бир клубда ўйнаб, кейин ўзингизни бошқа жойда топсангиз, ҳар қандай футболчига мослашиш учун вақт керак бўлади. Месси ҳам бундан мустасно эмас. Лионель янги жамоага, янги менталитетга ва янги чемпионатга кўникиши керак. Месси илгари ҳеч қачон клубни ўзгартирмаган, шунинг учун аввалги ўйинини яна кўрсатиши учун Леога бироз вақт керак.

 
Эътибор марказида эмас

«Барселона»да Лионель Месси асосий юлдуз эди. Қандайдир муваффақиятсиз ўйин танаффусида Хосеп Гвардиоланинг «Лео, илтимос, нимадир қил» дегани ҳақидаги ҳикояларни эслай оласангиз керак. «Камп Ноу»да улар том маънода Месси учун ибодат қилишди, лекин ҳозир унинг мавқеи унчалик юқори бўлмаган жамоада, чунки «ПСЖ»да Неймар ва энг муҳими Килиан Мбаппе бор. Лео ўзини Парижда ўйинни қурадиган футболчи сифатида эмас, балки жамоа механизмининг бир қисми сифатида топиши керак. Ва бу ерда, ҳақиқий лидерга айланиш учун, аргентиналикка ҳам бироз вақт керак.
 
Шахсий қийинчиликлар

Лионел Месси нафақат янги клуб ва янги чемпионатга, балки янги яшаш жойига ҳам мослашиши керак. Аргентиналик узоқ вақт давомида таниш, сокин жойда яшади ва энди Месси оиласи ўз қулайлик зонасини тарк этишга мажбур бўлди. Дастлаб, Лео меҳмонхонада яшади, бу эса мухлислар эътиборининг кучайиши туфайли унга баъзи муаммоларни келтириб чиқарди. Анхель ди Мария бу ҳақда Аргентинанинг Ole нашрига берган интервьюсида айтди. Ҳозирда Месси доимий уй-жой масаласини ҳал қилганга ўхшайди ва бу унга осонроқ бўлиши керак.


Ёзда Лионель Месси терма жамоа билан биринчи совринни қўлга киритди. Аргентина Америка Кубогида зафар қучди. Кейин таътил бўлди, ўша вақт давомида юлдуз футболчи ўз келажаги ҳақидаги саволларни ҳал қилиши керак эди, чунки у эркин агент мақомида бўлган. «ПСЖ»га ўтгандан сўнг, Месси дарҳол дебютини ўтказмади, чунки машғулотларнинг етишмаслиги фонида унинг жисмоний ҳолати кўп нарсани талаб қилди. Дебют август ойи охирида бўлиб ўтди, лекин шундан сўнг Месси Аргентина терма жамоасига йўл олди. Францияга кеч қайтгани учун Лео «ПСЖ»нинг битта ўйинини ўтказиб юборди ва тез орада тиззаси жароҳатланди. Жисмоний муаммолар ҳам Мессининг «ПСЖ»даги фаолиятини қандай бошлаганини кўрсатди.

Криштиану Роналду

Ўтган ёзда Криштиану Роналду ва Лионель Месси клуб рўйхатига ўзгартириш киритди. Икки футболчини таққослашни давом эттираётган холис мухлислар учун, португалиялик ва аргентиналикларнинг ҳаракатларида, уларнинг қайси бири кучлироқ эканлигини аниқлашнинг яна бир сабабига айланди. Роналдунинг ҳар бир голи билан (Португалиялик бешта гол урди) Мессига босимни кучайтиради. Бу қандайдир тарзда аргентиналикка таъсир қилиши мумкин. Йиллар давомида, Лео ўзини Роналду билан таққослаб келишини билади ва ўзининг гол ура олмаётгани, шу фонда эса Роналду кетма-кет учрашувларда вазият қаҳрамонига айланаётгани ҳам, унинг ўйинига таъсир қилиши бор гап.

Жамшиджон Маҳмудов тайёрлади.