Англиянинг «Норвич» клуби ҳимоячиси Макс Аронс январь ойида «МЮ» томонидан сотиб олиниши мумкин. «90Min» нашри хабарига кўра, инглиз гиганти узоқ вақтдан бери ўнг қанот ҳимоячисига скаутлар орқали «тузоқ» қўйган.

Ҳозирда клубда бу позициянинг асосий эгаси Ван-Бисакка ҳисобланади. Диего Далот ҳам мавжуд, аммо у «Вильярреал»га қарши баҳсда ўзини кўрсата олмади. Шу сабаб Сулшер қишда бу ўрин учун замин ҳозирлашга ҳаракат қилади.

Шунингдек, клубда яна бир вариант мавжуд. Бу «Ренжерс» футболчиси Жеймс Таверньедир.