«Манчестер Юнайтед»нинг 23 ёшли футболчиси Маркус Рэшфорд фахрий докторлик унвонини олди ва Манчестер университети тарихидаги энг ёш соврин соҳиби бўлди.
Таълим муассасаси расмий сайтининг хабар беришича, нуфузли мукофот унга доимий хайрия ишлари ва болалар камбағаллигига қарши юқори даражада эълон қилинган кампания, шунингдек, спортдаги юксак ютуқлари учун берилган.
Рэшфорд ушбу мукофотни олгач «Манчестер Юнайтед» афсоналари Сер Алекс Фергюсон ва Сер Бобби Чарлтон сафига қўшилди, улар илгари университет унвонига сазовор бўлишган. Сер Алекс Фергюсон тадбирда шахсан иштирок этиб, Рашфордни қўллаб-қувватлади.
