"Бавария" ҳимоячиси Никлас Зюле келаси ёз эркин агент сифатида жамоадан кетиши мумкинлиги ҳақидаги миш-мишларга изоҳ берди.
"Менинг келажагим ҳали ҳам аниқ эмас. Хавотирга тушишим мумкин бўлган биринчи нарса - ўзим учун энг яхшисини танлаш. Мен ҳеч қачон "Бавария"ни тарк этаман деб айтмаганман, лекин қоламан деб ҳеч қачон даъво қилмаганман" , - деди Зюле Goal нашрига.
Ҳимоячи 2017 йилнинг ёзидан буён "мюнхенликлар" сафида ўйнайди. 2021/22 йилги мавсумда футболчи 11 учрашувда қатнашди ва самарали ҳаракатлар амалга оширмади. Футболчининг клуб билан амалдаги шартномаси 2022 йил июнь ойи охиригача амал қилади.
