«Лацио» етакчилари Чиро Иммобиле ва Франческо Ачерби клуб билан узоқ муддатли янги шартномалар имзоладилар. Буни римликларнинг молиявий ҳисоботлари маълумотларидан билиб олиш мумкин.
Calciomercato, Иммобиле шартномаси 2026 йилнинг ёзигача ҳисобланганлигини, Ачерби эса 2025 йилгача Олимпико стадионида қолиши кераклигини маълум қилди. Шартномалар ўтган мавсум охирида имзоланган.
2018 йилда Стефан де Врей ўрнини эгаллаган Ачерби, клуб учун 146 ўйин ўтказди. Унинг янги маоши бонусларни ҳисобга олмаганда, йилига 2 миллион еврони ташкил қилади.
Иммобиле 2016 йилдан буён «Лацио»да ўйнайди ва ундан икки баравар кўп маош олади.
