Мюнхенгладбахнинг "Боруссия" клуби ярим ҳимоячиси Денис Закария клуб билан шартномасини узайтиришдан бош тортди, дея хабар беради журналист Николо Скира.

Манбанинг хабарига кўра, 24 ёшли швейцариялик "Рома" билан музокаралар олиб бормоқда. Италиян клуби унга 2026 йилгача бўлган шартнома таклиф қилади. Футболчи келаси йилнинг ёзида эркин агент сифатида Италия клубига ўтиши мумкин.

2021/22 йилги мавсумда Закария "Боруссия" сафида 5 ўйинда майдонга тушиб, 2та гол ва 1 голли узатмани амалга оширган. Transfermarkt портали футболчининг нархини 27 миллион еврога баҳоламоқда.