Бугун Ўзбекистон миллий терма жамоаси халқаро ўртоқлик учрашувилари доирасида Малайзияга қарши баҳс олиб борди. Қизиқарли ва голларга бой ўтган беллашувда, вакилларимиз йирик 5:1 ҳисобида ғалаба қозонишди.
Бироз сокин тарзда бошланган учрашувдаги дастлабки гол 17-дақиқада киритилди. Жалолиддин Машариповнинг ажойиб узатмасидан кейин, яхши позицияга чиқиб борган Фаррух Сайфиев Достонбек Ҳамдамовга ажойиб узатма берди ва Ҳамдамов ҳисобни очди — 1:0.
28-дақиқада Жалолиддин Машариповнинг чиройли ҳаракатларидан сўнг, Достонбек дублни расмийлаштирди — 2:0. 3-гол ҳам ўзини унчалик кўп куттирмади. Яна ўша чап қанотдан уюштирилган ҳужумни Ҳусайн Норчаев гол билан якунлади — 3:0. Тайм охирроғида Малайзия терма жамоаси аъзоси Бадрол Бахтиар ҳисобни биттага қисқартирди — 4:1.
Иккинчи тайм ҳам бироз вакилларимиз устунлигида бошланди ва бу 67-дақиқада ўз тасдиғини топди. Заҳирадан майдонга қўшилган Иброҳимҳалил Йўлдошев ҳисобни яна йирик кўринишга келтириб қўйди. Баҳснинг охирги дақиқаларида Азизбек Амонов ҳисобни 5:1 кўринишга келтириб қўйди. Ўйиннинг қолган дақиқалари ҳам ҳужумларга бой тарзда кечди, аммо ҳар икки терма жамоага ҳам гол уриш насиб қилмади.
9 октябрь (шанба)
Халқаро ўртоқлик учрашуви.
ЎЗБЕКИСТОН – МАЛАЙЗИЯ - 5:1
Иордания. «Amman International stadium»
Голлар: Достон Ҳамдамов 17, - 1:0. Достон Ҳамдамов 29, - 2:0 (Жалолиддин Машарипов). Ҳусайн Норчаев 33, - 3:0 (Фарруҳ Сайфиев). Бадрол Бахтияр 45+1, - 3:1, Иброҳимҳалил Йўлдошев (Жалолиддин Машарипов) 68, - 4:1, Азиз Амонов (Игорь Сергеев) 87, - 5:1
Ўзбекистон: Валижон Раҳимов, Рустам Ашурматов (Достон Турсунов, 71), Ҳусниддин Алиқулов, Фарруҳ Сайфиев (Иброҳимҳалил Йўлдошев, 60) , Дилшод Саитов, Отабек Шукуров (Акмал Мозговой, 60), Азиз Ғаниев, Жалолиддин Машарипов, Достон Ҳамдамов (Шаҳбоз Умаров, 71), Ҳусайн Норчаев ( Азиз Амонов, 80) Элдор Шомуродов (Игорь Сергеев 60)
Захира: Ўткир Юсупов, Элдор Суюнов, Ислом Қобилов, Хожиакбар Алижонов,Абдулла Абдуллаев, Ойбек Бозоров,
Малайзия: Хаирул Фаҳми, Ризал Газали, Аидил Зафуан, Ирфан Закария, Ариф Фадзилаҳ, Акрам Маҳинан, Кенни Паллраж, Фаисал Ҳалим, Бадрол Баҳтиар, Ҳакими Абдуллаҳ (Сияфиқ Аҳмад, 37) Луқман Ҳаким
