Bugun O‘zbekiston milliy terma jamoasi xalqaro o‘rtoqlik uchrashuvilari doirasida Malayziyaga qarshi bahs olib bordi. Qiziqarli va gollarga boy o‘tgan bellashuvda, vakillarimiz yirik 5:1 hisobida g‘alaba qozonishdi.
Biroz sokin tarzda boshlangan uchrashuvdagi dastlabki gol 17-daqiqada kiritildi. Jaloliddin Masharipovning ajoyib uzatmasidan keyin, yaxshi pozisiyaga chiqib borgan Farrux Sayfiyev Dostonbek Hamdamovga ajoyib uzatma berdi va Hamdamov hisobni ochdi — 1:0.
28-daqiqada Jaloliddin Masharipovning chiroyli harakatlaridan so‘ng, Dostonbek dublni rasmiylashtirdi — 2:0. 3-gol ham o‘zini unchalik ko‘p kuttirmadi. Yana o‘sha chap qanotdan uyushtirilgan hujumni Husayn Norchayev gol bilan yakunladi — 3:0. Taym oxirrog‘ida Malayziya terma jamoasi a’zosi Badrol Baxtiar hisobni bittaga qisqartirdi — 4:1.
Ikkinchi taym ham biroz vakillarimiz ustunligida boshlandi va bu 67-daqiqada o‘z tasdig‘ini topdi. Zahiradan maydonga qo‘shilgan Ibrohimhalil Yo‘ldoshev hisobni yana yirik ko‘rinishga keltirib qo‘ydi. Bahsning oxirgi daqiqalarida Azizbek Amonov hisobni 5:1 ko‘rinishga keltirib qo‘ydi. O‘yinning qolgan daqiqalari ham hujumlarga boy tarzda kechdi, ammo har ikki terma jamoaga ham gol urish nasib qilmadi.
9 oktyabr (shanba)
Xalqaro o‘rtoqlik uchrashuvi.
O‘ZBEKISTON – MALAYZIYA - 5:1
Iordaniya. «Amman International stadium»
Gollar: Doston Hamdamov 17, - 1:0. Doston Hamdamov 29, - 2:0 (Jaloliddin Masharipov). Husayn Norchayev 33, - 3:0 (Farruh Sayfiyev). Badrol Baxtiyar 45+1, - 3:1, Ibrohimhalil Yo‘ldoshev (Jaloliddin Masharipov) 68, - 4:1, Aziz Amonov (Igor Sergeev) 87, - 5:1
O‘zbekiston: Valijon Rahimov, Rustam Ashurmatov (Doston Tursunov, 71), Husniddin Aliqulov, Farruh Sayfiyev (Ibrohimhalil Yo‘ldoshev, 60) , Dilshod Saitov, Otabek Shukurov (Akmal Mozgovoy, 60), Aziz G‘aniyev, Jaloliddin Masharipov, Doston Hamdamov (Shahboz Umarov, 71), Husayn Norchayev ( Aziz Amonov, 80) Eldor Shomurodov (Igor Sergeev 60).
Malayziya: Xairul Fahmi, Rizal Gazali, Aidil Zafuan, Irfan Zakariya, Arif Fadzilah, Akram Mahinan, Kenni Pallraj, Faisal Halim, Badrol Bahtiar, Hakimi Abdullah (Siyafiq Ahmad, 37) Luqman Hakim
