Италия терма жамоаси бош мураббийи Чезаре Пранделли АҚШ терма жамоасига қарши кечадиган ўртоқлик учрашувига таклиф қилинган футболчилар рўйхатини эълон қилди. Бу ҳақда "Football Italia" нашри хабар тарқатмоқда.

Ушбу руйхатда “Манчестер Сити” ҳужумчиси Марио Балотеллига жой топилмади. Унинг ўрнига “Рома”нинг ёш ҳужумчиси Фабио Борини илк бор бош жамоага чақирилди. Шунингдек йиғинга "Милан" ҳимоячиси Игнасио Абате ҳам жалб этилди.

Италия терма жамоасининг АҚШга қарши учрашувга жалб қилинган футболчилар рўйхати:

Дарвозабонлар: Буффон («Ювентус»), Де Санктис («Наполи»), Сиригу (ПСЖ), Вивиано («Палермо»);
ҳимоячилар: Абате («Милан»), Астори («Кальяри»), Бальзаретти («Палермо»), Барзальи, Бонуччи, Кьеллини (барчаси – «Ювентус»), Кришито («Зенит»), Мажжо («Наполи»), Огбонна («Торино»);
яримҳимоячилар: Де Росси («Рома»), Маркизио, Пирло (иккласи – «Ювентус»), Монтоливо («Фиорентина»), Тиаго Мотта (ПСЖ), Ночерино («Милан»);
ҳужумчилар: Борини («Рома»), Жовинко («Парма»), Матри («Ювентус»), Паццини («Интер»).

Эслатиб ўтамиз, Италия ва АҚШ терма жамоалари ўртасидаги ўртоқлик учрашуви 29 февраль куни Генуя шаҳрида бўлиб ўтади.