«ПСЖ» ва Бразилия терма жамоаси ҳужумчиси Неймар 2022 йилги жаҳон чемпионатида охирги бор иштирок этишини айтди. Бу ҳақда Goal хабар берди.
Ҳужумчи ўзининг терма жамоа сафидаги кейинги фаолияти ҳақида гапириб ўтди.
«Менимча, 2022 йилдаги жаҳон чемпионат мен учун охиргиси бўлади. Мен унга шундай кўз билан қараяпман. Чунки кейинги мундиалда ўйнашга кучим ва руҳим етишини билмайман.
Шунинг учун, мен жаҳон чемпионатида ватаним учун бор кучимни бериб, болаликдаги орзум - мундиал олтин медалларига эга чиқишга уринаман. Бу қўлимдан келишига ишонаман», — деди футболчи.
Маълумот учун, бразилиялик футболчи терма жамоаси сафида 113 та ўйинда майдонга тушиб, 69 та гол урган.
