Бразилия терма жамоаси бош мураббийи Тите 2022 йилги Жаҳон чемпионати саралаш турнирининг 10-туридан ўрин олган Колумбияга қарши ўйинда (0:0) Неймар ўйини ҳақида ўз фикрлари билан ўртоқлашди.
«Неймар, бутун жамоа каби, яхши ўйнади. Ҳамма ундан ҳар бир учрашувда ажойиб ишларни кутади. У алоҳида футболчи, биз буни биламиз. Аммо бугун унга жуда яхши қаршилик қилишди, баъзида бир вақтнинг ўзида иккита рақиб унинг қаршисидан чиқди. Неймар ҳар бир ўйинда бирдек ўйнай олмайди», - дея Тите сўзларини келтиради Goal.
