"Милан" ҳимоячиси Тео Эрнандес жамоа билан янги шартнома имзоламоқчи. "La Gazette Dello Sport" хабарига кўра, бу муаммони ҳал қилиш россонерилар учун устувор мақсад қилиб қўйилган.
24 ёшли французнинг амалдаги шартномаси 2024 йилда якунига этади. Бироқ, унга келишув шартлари яхшиланган янги шартнома таклиф қилинмоқда, бу унинг маоши сезиларли даражада ошишини назарда тутади. Яъни, Италия клуби унинг маошини уч баравар оширишга (4,5 млн евро) тайёр.
Эслатиб ўтамиз, 2020/21 йилги мавсумда Эрнандес Милан таркибида 45 ўйинда майдонга тушиб, 8 гол ва 8 голли узатма муаллифи бўлган. Transfermarkt портали футболчининг қийматини 50 миллион еврога баҳоламоқда.
