Сенегаллик "Наполи" ҳимоячиси Калиду Кулибали ватандоши "Челси" дарвозабони Эдуард Мендининг "Олтин тўп" учун даъвогарлар рўйхатига киритилмаганидан афсусда эканлигини билдирди.
"Эду рўйхатга киритилмаганлиги жуда ачинарли. У Чемпионлар лигасини ютган биринчи африкалик дарвозабон эди. Биз ишлашда давом этишимиз ва олдинга интилишимиз керак. Яхши баҳоланишимиз учун биз баъзи одамларнинг қилган ишини икки баравар бажаришимиз керак", - деди Кулибали.
Эслатиб ўтамиз, "Олтин тўп" учун даъвогар 30 футболчи рўйхатига фақат иккита африкалик футболчи - Муҳаммад Салоҳ ва Рияд Маҳрезлар киритилган.
