Англиянинг «Ньюкасл» клуби қишки трансферлар мавсумида бир қанча харидларни амалга оширмқчи. Бу ҳақда todofichajes.com нашри хабар бермоқда. Манбада айтилишича, «қарғалар» «Арсенал» ҳужумчиси Александр Льяказетт ва «МЮ» футболчиси Жесси Лингардни сотиб олиш ҳақида ўйламоқда.
Лондонликлар француз футболчисини сотишга қарши эмас, сабаби келаси мавсум унинг шартномаси якунига етади. Шунинг учун, «канонирлар» қишда футболчини сотиб юбормоқчи.
«Манчестер Юнайтед» билан ҳам шу ҳолат. «Қизил иблислар» яхши таклиф бўлса, Жессини сотиши мумкин. Чунки, инглиз футболчиси мураббий Оле-Гуннар Сульшер режаларига киритилмаган.