ФИФАнинг футболни ривожлантириш департаменти бошлиғи Арсен Венгер ЖЧ-2022дан бошлаб офсайдни автоматик равишда аниқлаш тизими жорий қилинишини айтиб ўтди.
«Биз қарор қабул қилишда, айниқса, офсайдни қайд этишда тезкорликни оширишда ўсишга эришишимиз керак. 2022 йилги жаҳон чемпионатида бу масалада жуда тезкор қабул қилишимиз мумкин. Натижада ўйин камроқ тўхтатилади, ахир VARни шунда айблашаётган эди.
Катта эҳтимол билан офсайдни аниқлаш тизими ЖЧ-2022да автоматлаштирилади. Мен буни сир сақлашим керак, аммо бу ҳакамликдаги навбатдаги катта ютуқ бўлади», — деди Венгер.
Эслатиб ўтамиз, Қатардаги Мундиал 2022 йилнинг 21 ноябридан 18 декабрига қадар бўлиб ўтади.