Франциянинг «Монако» клуби хўжайинлари яримҳимоячи Орельен Тчуаменига нарх белгилади. Бу ҳақда испан ОАВ хабар бермоқда.
Унга кўра, жамоа 60 миллион евро миқдоридаги товон пули эвазига Тчуаменини бошқа жамоага қўйиб юборишга тайёр.
Орельеннинг «Монако» билан шартномаси 2024 йилнинг ўрталарига қадар тузилган. Эслатиб ўтамиз, Тчуамени «Челси», «Реал Мадрид» ва «Ювентус» клубларининг ҳам қизиқиш марказига тушган.