Роппа-роса ўн кун давом этган 14 ёшлилар ўртасидаги мамлакат чемпионати ниҳоясига етди. Иштирок этган ёш футболчилар, уларнинг мураббийлари, селекционер-мураббийлар, ота-оналар, мухлислар  учун катта ҳаяжон, эҳтиросли дақиқалар, ёқимли тақдирлаш маросимларини тақдим этган турнирнинг ҳал қилувчи финал ўйини янада эсда қоларли бўлди.

Майдонга аввалига учинчи ўрин учун  курашадиган жамоалар тушишди. “Пахтакор” ва “Навбаҳор” жамоалари ўртасидаги ўйинда тошкентликлар иккита тўп фарқи билан ғалаба қозонишди. Ҳал қилувчи финалда эса “Хоразм” ва “Одил-Жуниор” жамоалари ўзаро рўбарў келишди.  Финалга қадар не-не жамоалар “курагини ерга текказган” урганчликлар ниҳоят “Одил Жуниор” тўсиғига дуч келишди. Учрашувда тошкентликлар йирик – 6:0 ҳисобида устунликка эришишди.

U-14. Чемпионати

14 октябрь, пайшанба. “Чиғатой” стадиони.

 Учинчи ўрин учун

ПАХТАКОР – НАВБАҲОР – 2:0 (1:0)

Ҳакамлар: Акобир Шукуруллаев, Тимур Галеев, Ҳасан Набиев

Назоратчи: Арслон Хотамов

Комиссар: Шоислом Холматов

Голлар: Диёр Эрмонов (26), Мироншоҳ Меҳмонов (58)

Огоҳлантириш: Йўқ – йўқ.

Финал

ХОРАЗМ – ОДИЛ ЖУНИОР – 0:6 (0:3)

Ҳакамлар: Вадим Агишев, Тимур Галеев, Ҳасан Набиев

Назоратчи: Арслон Хотамов

Комиссар: Шерзод Ражабов

Голлар: Рихсивой Абдуҳакимов (4), Оғабек Эшмаматов (10), Улуғбек Маратов (20), Диёр Тожиев (40), Яхёхон Исақов (45), Жавоҳир Раҳимов (60)

Огоҳлантириш: Йўқ – йўқ.