"Манчестер Юнайтед"нинг собиқ дарвозабони Серхио Ромеро жамоадаги охирги йли ҳақида гапирди. У бу ҳақда шундай дейди:
"Бу мен учун жуда ҳам ғалати ва омадсиз йил бўлди. Аммо мен формада эдим. Мен жамоа билан бутун мавсум давомида машғулот ўтказгандим. Баъзида эса бир ўзим шуғулланардим. Негаки, асосий таркиб муҳим баҳсга тайёргарлик кўрарди. Ҳозир ўзимни яхши ҳис қилаяпман. Мен Аргентинада ҳам бўлиб қайтдим. Ҳозир эса ҳаммага "Самдориа"даги Серхиони қайта кўрсатмоқчиман".
Аргентиналик дарвозабон ёзда Италиянинг "Венециа" клубига эркин агент сифатида бориб қўшилган.
