Италиянинг Милан клуби ҳимоячиси Тияго Сильва ўзининг келажаги борасида ҳали аниқ бир тўхтамга келмаганлигини айтиб ўтди. Бразилиялик ҳимоячи, шунингдек ўзининг "Барселона" жамоасига трансфер қилиниши борасидаги миш-мишларга ҳам ўз муносабатини билдириб ўтди.

"Матбуот орқали менга "Барселона" клуби томонидан қизиқиш бўлаётганлиги ҳақида хабарим бор. Келажагим борасида ҳозир аниқ фикр айта олмайман. Чунки улар менга хали расмий таклиф билдиришгани йўқ. Умуман олганда, ҳозир менинг бутун фикру ҳаёлим "Милан" билан боғлиқ. Менинг мақсадим бу йил ҳам ўз жамоам билан Скудетто ғолиби бўлиш. Трансферим борасидаги масалалар билан эса, агентим шуғулланади."

"Барселона" - жаҳоннинг энг кучли жамоаси. Ҳозирги кунда улар бироз қийин даврни бошдан кечираётган бўлсаларда, бу уларнинг энг яхши клуб бўлиб қолишига ҳалақит қилмайди. Бу жамоада ўйнашни ҳар қандай футболчи орзу қилиши табиий. Менинг ҳам бир кун келиб каталонияликлар сафида ўйнаш ниятим бор. Аммо, ҳозир эмас. Чунки, ҳозир "Милан"да ўзимни жуда яхши хис қилаяпман. Мени танилишимга, шундай даражага чиқишимга сабаб бўлган жамоа - "Милан"дир. Бу клубдан қрздорман.",- дея бразилиялик ҳимоячининг сўзларидан парча келтирмоқда Football Italia.