"Манчестер Юнайтед" бош мураббийи Оле-Гуннар Сулшер Англия Премьер-Лигаси 8-туридан ўрин олган «Лестер»га қарши сафар ўйинидан олдин матбуот анжуманида ўз фикрларини билдириб ўтди.
Халқаро танаффусдан кейин, норвегиялик мутахассис жамоа тўпланган. Бу мавсум якунида мусобақа бош совринини қўлга киритиш учун кутилган даражадаги ўйин кўрсата олиш имконини беради деб ҳисобламоқда.
«Қизиллар» айни вақтда АПЛ мусобақа жадвалининг тўртинчи поғонасида боришмоқда. 7 турдан кейин жамоа ҳисобида 14 очко мавжуд - етакчи «Челси»дан 2 очко кам.
Сульшер мавсум стартида очколар тўплаш бўйича яхши ҳаракат қилгани ва дастлабки 14 ўйинлик тақвим "Манчестер Сити" ва «Ливерпуль»га қараганда анча қулай бўлганини тан олди.
"Сиз очколар йўқотган ҳолда мавсум якунида чемпионликни кута олмайсиз, бу ҳақиқат", - дея Оле медиа томонидан унга берилган саволга жавоб беришдан бошлади.
"Лекин очко ёқъотмаслик мақсадида сиз ҳар бир ўйинга жиддий ёндашишингиз ва "Астон Вилла" ва «Эвертон» сингари жамоалар жуда ҳам яхши тайёргарликка эга деб ҳисоблашингиз керак.
Биз ўзимиз муносиб бўлгандан кўра, кўпроқ очко ишлаган вақтимиз бўлади. Балки, бу «Вулверхемптон»га қарши сафар ўйин бўлиши мумкин. Агар ўша ўйинда 1 очко билан қайтганимизда, буни қабул қилиш мумкин эди. Чунки, биз ўша баҳсда ғалабага муносиб эмас эдик.
Аммо, бошқа томондан «Эвертон» ва "Астон Вилла"га қарши баҳсларда ғалабага кўпроқ ҳақли эдик. Бундан шуни хулоса қилиш ҳам мумкини, биз яхши ўйнай олмаганимиз учун 3 очкони ҳам қўлга кирита олмадик".
"Манчестер Юнайтед"нинг кейинги 6 учрашуви жамоанинг чидамлилигини синовдан ўтказади. «Лестер»га қарши баҳсдан кейин манкунианликлар ҳафта ўртасида «Аталанта» билан куч синашса, келаси якшанба «Ливерпуль» меҳмон бўлади.
Ундан кейинги ҳафта «шпорлар»га қарҳи ўйин учун пойтахтга ташриф буюрадиган МЮ, орадан бир неча кун ўтиб, «Аталанта» билан беллашув учун Италияга саёҳат қилади. Халқаро танаффусга чиқиб кетиш олдидан, "қизил иблислар" ҳамшаҳри "Манчестер Сити" билан беллашади.
Маркус Решфорднинг сафга қайтиши ва Ҳарри Магуайнинг келгуси баҳсларда қатнаша олишини тушунган ҳолда Сулшер мавсум охирида чемпионлик учун курашни сақлаб қолиш мақсадида ўйин сифати эмас, кўпроқ очколар муҳим омил бўлишини таъкидламоқда ва унинг фикрича ушбу йўл бугун "King Power" стадионида бошланади.
"Ўзимни фикримга асосланиб гапирсам, яхши ўйин ҳар доим ҳам соврин ва чемпионликни кафолатламайди. Шундай экан, май ойида юқори поғонада боришимиз учун ҳам очколарни қўлга киритишимиз керак. Бу бизнинг кўзлаётган мақсадимиз.
Бизнинг бор эътиборимиз фақатгина «Лестер» билан баҳс учун қаратилган. Бошқа ҳеч нарса. «Ливерпуль», «Тоттенхем» ва "Манчестер Сити" ҳақида ўйлаётганимиз йўқ, улар билан ўйинга ҳам оз қолаётганини биляпмиз, лекин бизда ҳар бир ўйин учун дам олиб, тикланиш ва тайёр бўлиш ҳамда ғалаба қозониш учун етарлича вақт бор", - дея фикрларини билдириб ўтди Сулшер.
Эслатиб ўтамиз, «Лестер» - МЮ баҳси бугун Тошкент вақти билан 19:00да бошланиши режалаштирилган.
