Каталониянинг «Барселона» клуби ҳужумчи Ансу Фати трансфери бўйича жиддий таклифни қабул қилиб олди. Бу ҳақда «кўк-анорранглилар» собиқ президенти Жоан Лапорта журналистлар билан суҳбат чоғида айтиб ўтди.
Функционернинг сўзларига кўра, Англия Премьер-лигасининг топ клубларидан бири «Барселона» тарбияланувчиси учун 151 миллион евро таклиф қилган.
Аммо бу таклиф каталонияликлар томонидан рад этилди. Эҳтимол, бу «Манчестер Юнайтед» ҳақида айтилган хабарлардир. Ўтган ёзда «қизил иблислар»нинг Фатига қизиқиши ҳақида турли миш-мишлар тарқалган эди. Бироқ бу аниқ қайси клуб эканини Лапорта ошкор қилмади.
18 ёшли футболчи 2020 йил сентябрь ойидан буён «Барселона»нинг асосий жамоасида ўйнамоқда. Томонлар ўртасидаги амалдаги шартнома 2022 йил июнь ойининг охиригача ҳисобланган.
