«Барселона» вингери Усмон Дембеле ва ҳимоячи Серхи Роберто клубда қолишни истайди. Бу ҳақда жамоа спорт директори Матеу Алемани маълум қилди.
«Айтишим мумкинки, биз анчадан буён кўплаб футболчилар билан алоқадамиз. Вазият осон эмас. Муҳими, Дембеле ва Роберто «Барса»да қолмоқчи.
«Барселона» маошлар тизимини ўзгартириши керак. Бизнинг айни дам қандай вазиятда эканлигимиз маълум. Бу шуни англатадики, баъзи ҳолларда музокаралар анча мураккаб ва узоқ давом этади»,- дейди Алемани.
Маълумот учун, Дембеле ва Робертонинг клуб билан амалдаги шартномалари жорий мавсум охирида ўз якунига етади.
