"Ливерпуль" ҳужумчиси Муҳаммад Салоҳнинг агенти Реми Аббос Исса клуб билан янги шартнома борасида музокараларни бошлаш учун Ливерпуль шаҳрига етиб келди, дея хабар бермоқда "Daily Star" нашри.
Манбанинг хабарига кўра, Исса Премьер-лиганинг 8-туридан ўрин олган "Уотфорд"га қарши ўйинни (5:0) бевосита стадиондан кузатган. Агент яна бир неча кунни шу ерда ўтказмоқчи. У 29 ёшли мисрлик футболчи ва клуб ўртасида янги шартнома борасида музокара ўтказишга ҳозирлик кўрмоқда.
Эслатиб ўтамиз, Салоҳ жорий мавсумда мерсисайдликлар таркибида барча турнирларда 10 ўйин ўтказиб, 10та гол ва 4 ассистни амалга оширди.
