"Милан" ҳужумчиси Златан Иброҳимович Италия чемпионатининг 25-турида "Ювентус"га қарши бўлиб ўтган ўйиндаги ҳакамларнинг хатосига изоҳ бериб ўтди.

"Ўша ўйиндаги лайнсменнинг Мунтарий киритган голни кўрмай қолиши - бутун футболнинг фожеаси. Бу менинг жаҳлимни чиқаришидан кўра, ҳафсаламни пир қилди. Гол бўлганини ҳамма кўрди, аммо уни ҳисобламаслик... Ўйиндан ташқари ҳолатларда адашиш мумкин, лекин бундай голларда эмас", дея унинг сўзларидан иқтибос келтиради Football Italia.

Эслатиб ўтамиз, швециялик ҳужумчи ушбу ўйинни "Наполи" ҳимоячиси Сальваторе Ароникининг юзига ургани учун уч ўйинга дисквалификация қилинганлиги туфайли ўтказиб юборган эди.