Бугун жаҳоннинг барча қитъаларида терма жамоаларнинг расмий ўйинлари билан бир қаторда, ўртоқлик учрашувлари ҳам ўтказилишидан ҳабарингиз бор. Айрим терма жамоалар эса кеча ана шундай ўйинларда майдонга чиқишга улгуришди.
Жумладан, Швейцариянинг Сент-Галлен шахрида Бразилия Босния ва Ҳерцоговина терма жамоси билан куч синашди.
Деярли бутун ўйин давомида устунлик қилган пентакампеонлар боснияликларни ўйиннинг сўнгги дақиқаларидагина мағлуб этишнинг уддасидан чиқа олишди. Ўйиннинг 4-дақиқасидаёқ "Реал" ҳимоячиси Марсело ўйинда ҳисобни очди. Аммо, ўйн дебютида ўтказиб юборилган голга қарамай, Босния ўзини йўқотиб қўймади. Ҳисобни тенглаштириш учун ҳам унчалик кўп вақт кетмади. 13-дақиқада Ведад Ибишевич Эдин Джеконинг тўп оширишидан сўнг мувозанатни тиклади. Биринчи бўлимда дарвозаларга бошқа тўп киритилмади.
Иккинчи бўлимда майдонда бир қатор ўзгаришларни амалга оширган бразилияликлар, бир қанча ҳавфли вазиятларни амалга оширишганига қарамай, ҳисобда олдинга чиқишни уддалай олмаётган эдилар. Ўйиннинг сўнгги дақиқалари ўтиб бораётган бир пайтда, аниқроғи 90-дақиқада, боснияликлар ҳимоячиси Саша Папац ўз дарвозасини ишғол қилиб қўйди. 1:2 - Бразилия қийинчилик билан Босния ва Ҳерцоговинани мағлуб этди.
БОСНИЯ ВА ҲЕРЦЕГОВИНА - БРАЗИЛИЯ 1:2
Голлар: Ибишевич 13 - Марсело 4, Папац 90 ўз дарвозасига.
БОСНИЯ ВА ҲЕРЦЕГОВИНА: Бегович, Папац, Спахич, Панджа, Яхич, Медуньянин (Захирович, 79), Мисимович, Рахимич, Пьянич (Малетич, 81), Ибишевич (Салихович, 78), Джеко.
БРАЗИЛИЯ: Жулио Сезар, Дани Алвес, Давид Луиз, Силва, Марсело, Эрнанес (Халк, 67), Фернандиньо, Сандро Раньери (Элиас, 57), Неймар, Дамиан (Лукас, 82), Роналдиньо (Гансо, 63).
