«Манчестер Сити» «Вест Хем» ва Англия терма жамоаси ярим ҳимоячиси Деклан Райсга қизиқиш билдирмоқда, деб хабар беради Goal.com.
Манбага кўра, «шаҳарликлар» ёзги трансфер ойнасида ярим ҳимоячи сотиб олиш вариантини кўриб чиқишмоқда. «Манчестер Сити» таркибида Райс Фернандинонинг ўрнини эгаллаши мумкин.
Аввалроқ, футболчига «Манчестер Юнайтед», «Челси» ва «Ливерпуль» клублари ҳам қизиқиш билдираётгани ҳақида хабар берилганди.
Жорий мавсумда 22 ёшли Райс «Вест Хем» сафида барча мусобақаларда 10 та ўйинда майдонга тушиб, 2 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзигача амал қилади.
