Бразилия терма жамоаси ва «Сантос» клуби ҳужумчиси Неймарнинг айтишича, миллий терма жамоа бўйича ҳамкасби Роналдиньо унга карьерасини «Барселона»да давом эттиришни тавсия этган.
Маълумки, Роналдиньо 2003 йилдан 2008 йилгача «блаугранас»лар сафида тўп сурган эди.
«Мен доим Роналдиньо фикрларига қўшилиб келганман. У «Барселона» клуби ва шаҳар ҳақида жуда кўп яхши нарсаларни сўзлаб берди. Ўзим ҳам бу клуб дунёдаги энг яхши клуб эканлигини тушуниб турибман», - дея Неймарнинг сўзларини келтиради «El Mundo Deportivo».
Эслатиб ўтиш жоизки, ўтган йил сўнгида Неймар «Сантос» билан шартномасини 2014 йилнинг ёзига қадар чўздирган эди. Бироқ, ҳужумчининг ўзи «ҳамма нарса бўлиши мумкин»лигини таъкидламоқда.
