"Барселона" ҳужумчиси Серхио Агуэро Испания чемпионатининг 9-туридан ўрин олган "Валенсия"га (3:1) қарши ўйиндан сўнг Каталония клубидаги дебюти ҳақидаги таассуротлари билан ўртоқлашди.
"Ғалаба билан барчани табриклайман. Мана шу кўйлакдаги илк дақиқаларимни ўтказганимдан хурсандман. Қўллаб-қувватлаганингиз учун барчангизга раҳмат. Биз янада кўпроқ нарсага интиламиз!" - деб ёзди Агуэро твиттер саҳифасида.
Эслатиб ўтамиз, жароҳати туфайли Агуэро Каталония клуби учун бундан олдин ҳеч қандай расмий ўйинларда қатнашмаган. "Валенсия"га қарши ҳужумчи 87 дақиқада заҳирадан майдонга тушурилди.
