«Реал» бош мураббийи Карло Анчелотти клубда ўйин амалиётига эга бўлмаётган украиналик дарвозабон Андрей Лунин билан боғлиқ вазият ҳақида ўз фикрлари билан ўртоқлашди.
«Лунин олдинга силжиши керак, гарчи у яхши ўйнаса ҳам. Мен унга маълум вақт ўйнайди деб ваъда бергандим. Лекин бизда Тибо Куртуа борлигини ва у дунёнинг энг яхши дарвозабонларидан бири эканлигини тушунишингиз керак. Лунин ҳам яхши дарвозабон. Мен унинг муваффақиятли фаолиятига шубҳа қилмайман», деди Анчелотти Чемпионлар лигаси гуруҳ босқичи 3 -турида «Шахтёр»га қарши ўйин олдидан матбуот анжуманида.
Жорий мавсумда 22 ёшли Лунин «Реал» сафида бирорта ҳам ўйин ўтказмаган. Унинг клуб билан шартномаси 2024 йилнинг ёзигача амал қилади.
