Олинган сўнгги маълумотларга қараганда, бугун Тошкент вақти билан 15:30 да бошланиши керак бўлган жаҳон чемпионати 3-саралаш босқичи сўнгги тур ўйини ҳисобланган Япония ҳамда Ўзбекистон терма жамоалари ўртасидаги ўйин Спорт телеканали орқали тўғридан-тўғри эфирга узатилмайдиган бўлди.
Бунга сабаб сифатида, учрашув трансляциясини Япония телевидениеси сотишга аҳд қилган.
Маълум бўлишича, ушбу терма жамоаларнинг Тошкентда бўлиб ўтган учрашуви трансляциясини Япония ТВси ҳам ЎФФдан сотиб олган. Ўз навбатида Япония ТВси ҳам бугунги учрашув трансляциясини сотишга қарор қилган. Эндиликда, учрашувни тўғридан-тўғри эфирга олиб бериш учун уни Япония ТВсидан сотиб олиш керак. Афсуски, буни иложи йўққа ўхшайди.
Бугунги ўйинни интернет орқали трансляция қилишнинг ҳам иложи топилмаяпти. Сабаби, "Eurosport, Dubai Sport" каби телеканалларда ҳам ўйинни кўришнинг иложи йўқ бўлиб турибди.
