"Реал" бош мураббийи Карло Анчелотти Чемпионлар Лигаси 3-туридан ўрин олган "Шахтёр"га қарши ўйиндан (5:0) сўнг матбуот анжуманида қатнашди.

"Жамоамизда катта амбициялар бор. Бугунги ўйинимиз мукаммал эди. Охирги учрашувларга тўғри муносабатда бўлиб, ишлашда давом этдик. Биз ҳамма нарсани тўғри қилдик деб ўйлайман.

Шунингдек, ўйин сифати , жуда юқори эди ва биз бу сифатни учрашув охиригача ушлаб тура олдик. Ҳаммаси мукаммал чиқди.

Винисиус ўз вазифасини бажарди, қолганлар эса жуда яхши ўйнашди. Ҳар бир футболчининг бугунги ғалабада хизматларини алоҳида таъкидлаш лозим.

Винисиус энди ўзига ишонган, у ҳали ҳам янги нарсаларни ўрганишда давом этаётган буюк ёш ўйинчи", - деди Анчелотти матбуот анжуманида.