Тожикистон терма жамоаси бош мураббийи Кемал Алиспахич КХДР билан ўтган ўйиндан кейин ўз фикрлари билан ўртоқлашди.
"Жамоани ушбу ўйинга 15 кун қолганда қабул қилиб олгандим. Қабул қилиб олганимда жамоа тактик жиҳатдан ёмон кўринганди. Бугунги натижадан қониқдим, жамоа мен кутгандан яхшироқ ўйнади. Дарвозабонимиз Алишер Тўйчиев маҳорат кўрсатди, бир неча бор жамоани қутқарди. Агар ютқазганимизда ҳам мен жамоамиз ўйинидан қониққан бўлар эдим.
Албатта, Фарҳод Восиевнинг ОФК Чақирув Кубогида қатнашмаслиги ачинарли. Яна икки йиллардан кейин бу жамоа Европа жамоалари билан тенг ўйин кўрсатиши мумкин.
Бугунги натижада менинг хизматим йўқ, бу - менинг ўйинчиларимнинг хизмати.
Ўйиндан ўйинга очилиб борамиз. Эндиги мақсадимиз - Непадаги ўйинларга тайёрланиш".
