Дани Алвес "Барселона" – "Реал Мадрид" ўйини ҳақида гапирди
Каталониянинг "Барселона" клуби собиқ футболчиси бразилиялик Дани Алвес "Реал"га қарши ўйин олдидан ўз тахминлари билан ўртоқлашди.
“Эл-класико"дан ҳар доим катта нарсалар кутилади.
Ўйиннинг ҳарорати бутун ҳафта давомида сезилиб туради. Мен "Реал"га қарши кўп нарсаларни бошдан кечирганман. Умид қиламанки, бу туйғулар яхшилигича давом этади.
"Барселона" - бу бренд. Ишонаманки, якшанба куни футболчилар мухлисларга ажойиб ғалаба олиб келишади. Клуб қийинчиликларни доим ишонч билан енгиши керак.
5:0 ва 2:6 ҳисобидаги учрашувлардаги ғалаба ўша ишонч туфайли содир бўлган. Биз ўша пайт ҳамма нарсани оддий ва мукаммал қиладиган ягона жамоа эдик. Одамлар бундан фақат завқ олишар эди”, - дея Алвеснинг сўзларидан иқтибос келтирган "Europa Press".
