Англия терма жамоаси ва "Тоттенхэм" клубининг собиқ дарвозабони Пол Робинсон "МЮ"нинг ҳозирги ҳолати ҳақида гапирди. У бу ҳақда шундай дейди:
"Жамоа кийиниш хонасида бахт ва хурсандчилик ҳукм сурмайотганга ўхшайди. Фергюсон даврида кийиниш хонаси ичидаги хабарлар деярли ташқарига чиқмасди. У жамоани бу томонлама жуда қаттиқ назорат қилган. У ерда ечилмаган ва баҳсларга тўла нарсалар бор бўлиши мумкин эди. Бироқ ташқарига, матбуот юзига чиқарилмаган. Ҳозир эса ундай эмас. Кўплаб хабарлар айнан ушбу клуб билан боғлиқ бўлиб қолмоқда. Буни тез орада ўзгартириш лозим".
