Кеча Лондондан ўзига уй харид қилган Мадриднинг «Реал» клуби бош мураббийи Жозе Моуриньо ёзда Испания чемпионатидан кетишга қарор қилди.

«Жозе яқин ойлар ичида Англия чемпионатида рўй бераётган ўзгаришларни диққат билан кузатиб туради. Ҳарри Реднаппнинг «Тоттенҳэм»дан кетиб, Англия терма жамоасига ўтиши, Роберто Манчинининг «Манчестер Сити» билан яхши натижага эриша олмаса, истеъфога чиқарилиши, ёки Андре Виллаш-Боашнинг «Челси»дан барибир кетиши Моуриньонинг қизиқишига сабаб бўлиши мумкин, дейди унинг вакили «The Sun» нашрига интервью бераркан.

«Бироқ, ҳозирча бу клублар билан ҳеч қандай музокара бошлангани йўқ. Аммо, Моуриньо ёзда «Реал»дан кетишни ва Англия чемпионатида фаолиятини давом эттиришни қатъий тарзда аҳд қилиб қўйган. У Премьер-лигада ўтказган дамларини жуда соғинмоқда ва «Челси»да ўтказган вақтларини фаолиятидаги энг яхши дамлар деб билади», дея Моуриньонинг вакили сўзларидан иқтибос келтирмоқда The Sun нашри.