Футболчи ўйин амалиёти етишмаслигидан нолимоқда.
Англиянинг "The Mirror" нашри тарқатган маълумотларга кўра, "қизил иблислар"нинг англиялик посбони Дин Хендерсон қишда жамоасини ўзгартирмоқчи. Унинг бу қарорга келишига жамоа бош мураббийи Оле-Гуннар Сульшернинг унга кам ўйин амалиёти берилаётгани сабаб қилиб кўрсатилган. Хабарларга қараганда, унга "Ньюкасл"дан таклиф бор. Клуб уни қишда сотиб олиш шарти билан ижарага олмоқчи, дейилади хабарда.
Эслатиб ўтамиз, бу мавсумда 24 ёшли кипер жамоа таркибида Англия чемпионатининг икки ўйинида майдонга тушди.
