"ПСЖ" ярим ҳимоячиси Марко Вератти ўз жамоадоши Неймарни қўллаб-қувватлашини билдирди. Аввалроқ, бразилиялик футболчи 2022 йилги Жаҳон чемпионати унинг халқаро фаолиятидаги сўнггиси бўлиши мумкинлигини айтган эди.
"Неймарни тушунаман, чунки мен унинг фаолиятини ўндан бирини ҳам бошимдан ўтказмаганман. Ҳамма айтади: "Сизлар оддий одамсизлар, ўзингизни оддий одамлардек тутишингиз керак". Лекин ўзимизни оддий одамлардек тутсак, "Йўқ, сизлар футболчисизлар, оддий одам бўлолмайсизлар", дейишади. Бизнинг касбимизда ҳамиша шундай бўлади. Ташқаридагилар " буларнинг пуллари бор, улар шунчаки футбол ўйнайдилар", деб ўйлашади. Аммо футбол биз учун оддий ўйин эмас, ҳаётимиз мазмунидир", - деди Вератти Goal.com сайтига.
