"PSJ" yarim himoyachisi Marko Veratti o‘z jamoadoshi Neymarni qo‘llab-quvvatlashini bildirdi. Avvalroq, braziliyalik futbolchi 2022 yilgi Jahon chempionati uning xalqaro faoliyatidagi so‘nggisi bo‘lishi mumkinligini aytgan edi.
"Neymarni tushunaman, chunki men uning faoliyatini o‘ndan birini ham boshimdan o‘tkazmaganman. Hamma aytadi: "Sizlar oddiy odamsizlar, o‘zingizni oddiy odamlardek tutishingiz kerak". Lekin o‘zimizni oddiy odamlardek tutsak, "Yo‘q, sizlar futbolchisizlar, oddiy odam bo‘lolmaysizlar", deyishadi. Bizning kasbimizda hamisha shunday bo‘ladi. Tashqaridagilar " bularning pullari bor, ular shunchaki futbol o‘ynaydilar", deb o‘ylashadi. Ammo futbol biz uchun oddiy o‘yin emas, hayotimiz mazmunidir", - dedi Veratti Goal.com saytiga.
