«Манчестер Юнайтед» бош мураббийи Оле-Гуннар Сульшер АПЛнинг 9-тури доирасида «Ливерпуль»га қарши ўйин олдидан жамоанинг ҳолати ҳақида гапирди.
«Сўнгги пайтларда биз очко йўқотдик ва бу бизни хурсанд қилмаяпти. Лекин биз бор нарсага асосланиб, аҳволимизни яхшилашимиз керак.
Биз вақтни беҳуда ўтказа олмаймиз. Мавсум узоқ бўлсада, биз рақобатлашаётган жамоалар кўп очко йўқотмайди.
Биз Чемпионлар Лигаси ва Премьер-лигада шундай юқори савияда курашамизки, агар концентрацияни йўқотсангиз, жазоланасиз. Аммо келгуси ойларда темп қўшамиз деб умид қиламан.
Роналду биз билан бор-йўғи бир ой бўлди, Жейдон Санчо ҳали мослашиб кета олмаяпти, Рэшфорд эндигина қайтди, Кавани ҳам узоқ вақтдан бери йўқ эди. Шунинг учун бизда мана энди тўлиқроқ таркиб шаклланмоқда», — дейди Сульшер.
