"Ювентус" жамоаси бош мураббийи Массимилиано Аллегри Италия чемпионати 9-туридан ўрин олган "Интер"га қарши баҳсдан сўнг ўз фикрларини билдириб ўтди.
“Биринчи бўлим яхши, иккинчи бўлим ундан ҳам яхши ўтди. Бизда бир нечта имкониятлар бўлди, шулардан фойдаланиш учун биз яхшироқ ҳаракат қилишимиз мумкин эди. Унутмайлик, “Интер” техник ва жисмоний жиҳатдан кучли, шунинг учун бизга бундай ўйинларда самарадорлик керак бўлади. Аввалига биз босимдан ҳаддан ташқари ҳаяжонландик, бу ҳам ўсиш жараёнининг яна бир босқичидир. Дастлабки уч турда тўплашимиз мумкин бўлган тўққиз очкодан саккизтасини йўқотдик, шунинг учун барчасини мустаҳкам ҳимоя қуришдан қайта бошладик", - деди Аллегри матбуот анжуманида.