"Yuventus" jamoasi bosh murabbiyi Massimiliano Allegri Italiya chempionati 9-turidan o‘rin olgan "Inter"ga qarshi bahsdan so‘ng o‘z fikrlarini bildirib o‘tdi.
“Birinchi bo‘lim yaxshi, ikkinchi bo‘lim undan ham yaxshi o‘tdi. Bizda bir nechta imkoniyatlar bo‘ldi, shulardan foydalanish uchun biz yaxshiroq harakat qilishimiz mumkin edi. Unutmaylik, “Inter” texnik va jismoniy jihatdan kuchli, shuning uchun bizga bunday o‘yinlarda samaradorlik kerak bo‘ladi. Avvaliga biz bosimdan haddan tashqari hayajonlandik, bu ham o‘sish jarayonining yana bir bosqichidir. Dastlabki uch turda to‘plashimiz mumkin bo‘lgan to‘qqiz ochkodan sakkiztasini yo‘qotdik, shuning uchun barchasini mustahkam himoya qurishdan qayta boshladik", - dedi Allegri matbuot anjumanida.
