«Барселона» ва «Бока Хуниорс» 2020 йилнинг ноябрь ойида вафот этган Диего Марадона хотирасига бағишланган ўртоқлик ўйини ўтказади.
Ўйин 14 декабрь куни Ар-Риёдда бўлиб ўтади ва афсонавий аргентиналик футболчи вафотининг бир йиллигига бағишланади.
Марадона «Бока Хуниорс» сафида икки марта – аввалига 1981-1982, кейин эса 1995-1997 йилларда ўйнаган.
1982 йилда аргентиналик футболчи «Барселона»га кўчиб ўтди ва у ерда 1984 йилгача фаолият олиб боради.