Каталониянинг «Барселона» жамоасининг голландиялик яримҳимоячи Френки де Йонг Европанинг икки гигант клуби қизиқишлари доирасига тушган.
Goal.com портали хабарига кўра, яримҳимоячи фаолиятини Англия Премьер-лигасида ёки Германия Бундеслигасида давом эттириши мумкин. «Манчестер Сити» ва «Бавария» де Йонгни ўз сафига қўшиб олмоқчи. Ҳар икки клуб жорий мавсум якунида голландиялик футболчи учун курашиш ниятида.
Френки 2019 йил июль ойидан бери «кўк-анорранглилар» шарафини ҳимоя қилмоқда. Томонлар ўртасидаги шартнома 2026 йилнинг ўрталарига қадар мўлжалланган. Трансфермаркт портали экспертларининг фикрича, унинг нархи 90 миллион еврони ташкил қилади.