«Бунёдкор» футбол клуби тижорат хизмати томонидан йўлга қўйилган «интернет-чипта» лойиҳасига қизиқиш кескин ошиб бормоқда.
Веб-сайтимиз орқали «Бунёдкор» – «Аделаида Юнайтед» учрашувига чипта банд қилган мухлислар буюртмаларини ўзлари истаган манзилда қабул қилиб олишди.
«Бунёдкор» ФК тижорат директори Айниддин Ғиёсов дастлабки истеъмолчиларга чипталар қай тартибда етиб бораётганини назорат қилиб борди.
Осиё Чемпионлар лигаси 1-тури доирасидан ўрин олган учрашувлар ичида энг марказийси сифатида айнан «Бунёдкор» – «Аделаида Юнайтед» баҳси эътироф этиляпти. Ўзбекистон ва Австралия чемпионати грандлари тўқнашувини бевосита стадионда кузатиб боришни истасангиз имкон қадар тезроқ чипталарни қўлга киритинг. Чипталарни икки хил усулда – «Жар» стадиони кассаларидан ёки клуб расмий веб-сайтидан сотиб олишингиз мумкин.
