Футбол тарихи ва статистикаси қўмитаси клубларнинг март ойи учун янги рейтингини эълон қилди. Унга кўра, Ўзбекистон клубларининг уччаласи ҳам кўтарилишга эришди.

Ўзбек клублари рейтингини бошқариб бораётган Қаршининг “Насаф” клуби бир йўла 11 поғона юқорилаб 89-ўринга кўтарилиб олди. Рейтингга кўра, иккинчи жамоамиз бўлиб келаётган Тошкентнинг “Бунёдкор” клуби эса бир поғона олдинга силжишга муваффақ бўлган. “Пахтакор” ўтган ойдагига нисбатан оладиган бўлсак, саккиз поғона яхшироқ натижа қайд этиб турибди.

Осиё қитъаси жамоалари орасида Қаршининг “Насаф” жамоаси кучли учликда бормоқда. Қаршиликлардан олдинда фақатгина Жанубий Кореянинг икки жамоаси “Чжонбук Моторс” ва “Сувон Блюингиз” жамоалари боришмоқда. Кучли ўнликка эса қолган жамоаларимиз кира олишмаган.

Умумий рейтинг юқори бешталигида бу сафар ҳам ўзгариш кузтилмаган. Каталониянинг “Барселона” клуби яққол пешқадам, “Реал Мадрид” эса энг таъқибчи бўлиб келмоқда.

1. (1) Барселона    Испания/4    369,0
2. (2) Реал Мадрид    Испания/4    292,0
3. (3) Велес Сарсфилд    Аргентина/4    291,0
4. (4) Ман. Юнайтед     Англия/4    255,0
5. (5) Ман.Сити    Англия/4    251,0
6. (7) Универсидад (Ч)    Чили/3        245,0
7. (8)Универсидад (К)    Чили/3        232,5
8. (6) Сантос        Бразилия/4    231,0
9. (10) Шальке 04    Германия/4    230,0
10. (14) Ассунсон    Парагвай/3    227,5
...
89. (100) НАСАФ        ЎЗБЕКИСТОН/2    124,0
...
207. (208) БУНЁДКОР  ЎЗБЕКИСТОН/2    89,0
...
263. (271) ПАХТАКОР  ЎЗБЕКИСТОН/2    74,0