«Рейнжерс»нинг собиқ бош мураббийи ва президенти Уолтер Смит 73 ёшида вафот этди.
Смит Глазго клуби билан 21 та совринни қўлга киритди, шу жумладан 10 та лига чемпионлигини ҳам. У жамоа билан 1991 йилдан 1998 йилгача ва 2007 йилдан 2011 йилгача ишлаган.
2008 йилда Смит «Рейнжерс»ни УЕФА кубоги финалига олиб чиқди ва унда «Зенит»га ютқазди (0:2).
Смит «Эвертон» ва Шотландия терма жамоасини бошқарган ва «Манчестер Юнайтед» мураббийлар штабида ҳам ишлаган.