Сербиядаги бокс бўйича жаҳон чемпионатининг 51 кг. вазн тоифасидан финалдан олдинги финал жанги бўлиб ўтди. Ҳасанбой Дўсматов ва қозоғистонлик Сакен Бибосинов ўртасида баҳс қизиқарли кечди.
Биринчи раунд тенгма-тенг зарбалар остида кечди. Ҳакамларнинг 4 нафари қўшни юрт боксчисининг устунлигини қайд этди.
Ҳамюртимиз иккинчи раундда фаолликни оширди ва зарбалар сони ва сифатини оширди. Шунга қарамай, бу сафар ҳакамларнинг икки нафар Ҳасанбойга, уч нафари эса Сакенга устунликни берди.
Дўсматов сўнгги раундда таваккалчиликка бориб, нокаут учун ишлашга ҳаракат қилди. Ҳаттоки рақибнинг қошини ёрди. Аммо сўнгги бўлимни ҳакамлар Бибосиновга беришди.
Якуний баҳо — 0:5 (28:29, 28:29, 28:29, 27:30, 27:30). Дўсматов ЖЧни эрта тарк этди.