Италия пойтахти Римда универсал жанг бўйича «Xtreme & Fighters Championship» таснифига кирувчи жаҳон чемпионати бўлиб ўтмоқда.
Эътиборлиси, тўлиқ таркиб билан иштирок этаётган ўзбекистонлик спортчилар мусобақада 5 та олтин ва 1 та бронза медалини қўлга киритишди.
Яшнарбек Зокирбеков бош мураббийлигида иштирок этган универсал жангчиларимиздан Нуруддин Долимов, Муҳаммадали Наимжонов, Муҳаммад Муҳаммадов, Муҳаммадамин Норов ва Абдулборий Абдулхамитов ўз вазнида жаҳонда тенгсиз экнликларини исботлашди.
Шунингдек, ярим финалга қадар барча рақибларини тиз чўктирган Отабек Муҳаммадовга финал йўлидаги жангда бироз омад етишмади ва бронза медалини қўлга киритди.
Маълумот учун, жаҳон чемпионати эртага 28 октябрь куни ўз якунига етади.
